വിഭാഗീയ മനസ്സുകളിൽ സിംഹങ്ങൾ കളിപ്പാവകളായി മാറിയപ്പോൾ

പ്രതീകാത്മക ചിത്രം

Rationalists.net-ൽ നിന്ന് പരിഭാഷ: അപർണ തെക്കേതിൽ

ദേശീയ ശ്രദ്ധ പിടിച്ചുപറ്റിയ കോടതി കേസിൽ, അക്ബറും സീതയും എന്ന രണ്ട് സിംഹങ്ങൾ മൃഗശാലയിൽ ഒരുമിച്ച് താമസിക്കുന്നതിനെക്കുറിച്ചുള്ള ഹർജി ഫയൽ ചെയ്ത വിശ്വഹിന്ദു പരിഷത്ത് (വിഎച്ച്പി) സൃഷ്ടിച്ച വിവാദം തമാശയുടെ അതിർ വരമ്പുകളെല്ലാം കടന്നു. കാര്യത്തിന്റെ കാതൽ എന്താണെന്ന് ഇനി അറിയാത്തവരാരും ഇല്ല. ഒരു ഭാരതീയ ചക്രവർത്തിയുമായും സീതാദേവിയുമായുള്ള ബന്ധം പേരുകൾ മൂലം ആരോപിക്കപ്പെട്ട  പാവം സിംഹങ്ങൾ! അവരുടെ പേരുകൾ അനുചിതമാണെന്ന് വിഎച്ച്പി ശഠിച്ചപ്പോൾ അതിനൊരു വർഗീയ നിറം കൈവന്നത് സ്വാഭാവികം.

ഒറ്റനോട്ടത്തിൽ, മൃഗശാലയിലെ രണ്ട്  വന്യ ജീവികൾക്ക്  ചരിത്രപരമോ പുരാണമോ ആയ വ്യക്തികളുടെ പേരുകൾ നൽകുന്നതിൽ നിന്ന് എന്ത് ദോഷം സംഭവിക്കുമെന്ന് ഒരാൾ ചിന്തിച്ചേക്കാം. പക്ഷേ, അത്തരം നിസ്സാരമായ അവകാശവാദങ്ങൾ കോടതി സ്വീകരിക്കുക മാത്രമല്ല, പേരിടൽ തിരഞ്ഞെടുപ്പിനെ വിമർശിക്കുകയും ചെയ്തപ്പോൾ കേസിന് വിചിത്രമായ വഴിത്തിരിവായി. അത് അനുചിതവും കുറ്റകരവുമാണെന്ന് കോടതി ചൂണ്ടിക്കാട്ടി.

സാഹചര്യത്തിന്റെ അസംബന്ധം സ്പഷ്ടമാണ്. രാജകീയ സാന്നിധ്യത്തിനും വിവിധ സംസ്‌കാരങ്ങളിലെ ആദരണീയമായ പദവിക്കും പേരുകേട്ട സിംഹങ്ങൾ ഇടുങ്ങിയ വിഭാഗീയ വികാരങ്ങളാൽ നയിക്കപ്പെടുന്ന നിയമയുദ്ധത്തിൽ പെട്ടെന്ന് പണയക്കാരായി ചുരുങ്ങി.

വന്യജീവി സംരക്ഷണത്തിന്റെ മനോഹാരിതയെയും ഈ മൃഗങ്ങൾക്ക് അനുയോജ്യമായ ഒരു വാസസ്ഥലം പ്രദാനം ചെയ്യുന്നതിനുള്ള മൃഗശാലയുടെ ശ്രമങ്ങളെയും അഭിനന്ദിക്കുന്നതിനുപകരം, അവയുടെ പേരുകളുടെ മതപരമായ പ്രത്യാഘാതങ്ങളിലേക്ക് ശ്രദ്ധ മാറി.

ഹർജിക്ക് പിന്നിൽ പ്രവർത്തിച്ചവർ പ്രകടിപ്പിച്ച കർക്കശമായ മനോഭാവമാണ് പ്രത്യേകിച്ചും ശ്രദ്ധേയം. ഇന്ത്യയെപ്പോലുള്ള വൈവിധ്യമാർന്നതും ബഹുസ്വരതയുള്ളതുമായ ഒരു സമൂഹത്തിൽ, അസംഖ്യം വിശ്വാസങ്ങളും പാരമ്പര്യങ്ങളും ഒന്നിച്ച് നിലകൊള്ളുന്നു. സഹിഷ്ണുതയും സ്വീകാര്യതയും പരസ്പരം അംഗീകരിക്കേണ്ടത് നിർണായകമാണ്. ഇത്തരം പ്രവർത്തനങ്ങൾ സമുദായങ്ങൾക്കിടയിൽ വിഭജനം വർദ്ധിപ്പിക്കാനും ശത്രുത വളർത്താനും മാത്രമേ സഹായിക്കൂ.

ഈ അഗ്നിപരീക്ഷയിൽ ജുഡീഷ്യറിയുടെ പങ്ക് മുൻഗണനകളെക്കുറിച്ചും ജുഡീഷ്യൽ അതിര്  കടന്നതിനെക്കുറിച്ചും നിരവധി ചോദ്യങ്ങൾ ഉയർത്തുന്നു. നിയമം ഉയർത്തിപ്പിടിക്കാനും നീതി ഉറപ്പാക്കാനും കോടതികൾ  ചുമതലപ്പെട്ടിരിക്കുന്നു. പക്ഷേ അവർ പരിഗണിക്കാൻ തിരഞ്ഞെടുക്കുന്ന കേസുകളിൽ വിവേചനാധികാരവും സാമാന്യബുദ്ധിയും പ്രയോഗിക്കേണ്ടതുണ്ട്. ഇത്തരം നിസ്സാര കാര്യങ്ങൾക്ക് വിലപ്പെട്ട കോടതി സമയം ചെലവഴിക്കാൻ അനുവദിക്കുന്നത് ജുഡീഷ്യറിയുടെ വിശ്വാസ്യതയെ തകർക്കുക മാത്രമല്ല, പരിഹാരത്തിനായി കാത്തിരിക്കുന്ന കൂടുതൽ സമ്മർദപ്രശ്നങ്ങളിൽ നിന്ന് അത് വ്യതിചലിക്കുകയും ചെയ്യുന്നു.

ഒരു മൃഗശാലയിലെ രണ്ട് സിംഹങ്ങളുടെ പേരുകൾ സാമാന്യ ബുദ്ധി ഉള്ളവർക്ക് അപ്രസക്തമായി തോന്നിയേക്കാം. എന്നാൽ ഈ സംഭവം മതഭ്രാന്തിന്റെ അപകടങ്ങളെക്കുറിച്ചും സമൂഹത്തിൽ ഉണ്ടാകേണ്ട പരസ്പര ധാരണയുടെ ആവശ്യകതയെക്കുറിച്ചുമുള്ള ഒരു ഓർമ്മപ്പെടുത്തലാണ്.

നിസ്സാരമായ ആവലാതികളുടെ പേരിൽ കലഹിക്കുന്നതിനുപകരം, യോജിപ്പും സഹവർത്തിത്വവും വളർത്തിയെടുക്കുന്നതിലാണ് നാം ശ്രദ്ധ കേന്ദ്രീകരിക്കേണ്ടത്, ഭിന്നിപ്പിനേക്കാൾ ശക്തിയുടെ ഉറവിടമായി വൈവിധ്യത്തെ ഉൾക്കൊള്ളുവാൻ പഠിക്കുകയാണ് ഭാരതീയ സംസ്‌കൃതിയെക്കുറിച്ച് അഭിമാനിക്കുന്നുവെന്ന് അവകാശപ്പെടുന്ന ഇവർ ചെയ്യേണ്ടത്.

ഈ വിചിത്രമായ കോടതിമുറി നാടകത്തിൽ പൊടിപടലങ്ങൾ അടങ്ങുമ്പോൾ, പാഠങ്ങൾ പഠിക്കുകയും പരസ്പര ബഹുമാനത്തിന്റെയും സഹവർത്തിത്വത്തിന്റെയും പ്രാധാന്യത്തിലേക്ക് ഇവർ മനസ്സ് തുറക്കുകയും ചെയ്യുമോ? അതോ വിഭജനത്തിന്റെ വിഷം കൂടുതലായി ചുരത്താനാവുമോ ഇനിയും ഇവരുടെ ശ്രമം?

________________________

ക്രിസ്തുമതവും ലൈംഗിക സദാചാരവും

ജോസഫ് ലെവിസിന്റെ ഇംഗ്ലീഷ് പുസ്തകത്തിന്റെ മലയാള പരിഭാഷ. വിവർത്തനം - സനൽ ഇടമറുക്. 

പ്രസിദ്ധ അമേരിക്കൻ ഗ്രന്ഥകാരനായ ജോസഫ് ലെവിസ് എഴുതിയ “ക്രിസ്തുമതവും ലൈംഗിക സദാചാരവും” എന്ന പുസ്തകം ഇപ്പോൾ  ഇ-ബുക്ക് ആയി ലഭിക്കുന്നു.  

ഈ പുസ്തകത്തിലെ അധ്യായങ്ങൾ:

1)   ലൈംഗികത എന്ന പാപം

2)   എന്താണ് വ്യഭിചാരം?

3)   ബ്രഹ്മചര്യം

4)   കുമ്പസാരം

5)   സ്വപ്ന വ്യഭിചാരം

6)   ബൈബിളിലെ സന്മാർഗം

7)   പ്രഥമ രാത്രിയിലെ പ്രത്യേക ആനുകൂല്യം

8)   സങ്കീർണ്ണ ലൈംഗിക ബന്ധങ്ങൾ

9)   ലൈംഗിക മര്യാദകൾ

10) അഗമ്യഗമനവും സമൂഹ വിവാഹവും

11)  പ്രാദേശിക വിലക്കുകൾ

12)  മന്ത്രവാദവും വ്യഭിചാരവും

13)  യൂദ മതവും  ലൈംഗിക സദാചാരവും 

അനുബന്ധം: പ്രായപൂർത്തി ആയവർക്കു മാത്രം - ചില ബൈബിൾ കഥകൾ 

വില ₹150.

IAP323 എന്ന ഡിസ്‌കൗണ്ട് കോഡ് രേഖപ്പെടുത്തിയാൽ  ₹100-ന് കിട്ടും.

ഇ-ബുക്കിനായി ഇവിടെ ക്ലിക്ക് ചെയ്യുക